ភ្នំពេញ៖ នាយករដ្ឋមន្ត្រីកម្ពុជា សម្ដេចធិបតី ហ៊ុន ម៉ាណែត បានជំរុញទៅដល់ពលរដ្ឋគ្រប់រូបត្រូវចេះចូលរួមក្នុងការថែរក្សាបរិស្ថាននៅក្នុងពិភពផែនដីមួយនេះ ដោយថាបញ្ហាដែលកើតឡើងទាក់ទងទៅនឹងបរិស្ថានវាមិនមែនកើតឡើងទៅនៅក្នុងប្រទេស ឬតំបន់ណាមួយនោះទេ។
ថ្លែងនៅក្នុងពិធីបិទសន្និបាតបូកសរុបលទ្ធផលការងាររបស់ក្រសួងបរិស្ថាននៅល្ងាចថ្ងៃព្រហស្បតិ៍ទី២១ ខែធ្នូ ឆ្នាំ២០២៣ សម្ដេចធិបតី ហ៊ុន ម៉ាណែត បានលើកឡើងថា ប្រទេសកម្ពុជាមិនមែនជាប្រទេសដែលបញ្ចេញឧស្ម័នពុលច្រើនដូចជាប្រទេសឧស្សាហកម្មធំៗផ្សេងទៀតនៅលើពិភពលោកនោះទេ ប៉ុន្តែប្រទេសកម្ពុជាបានបញ្ជាក់នូវការប្ដេជ្ញាចិត្តក្នុងការកាត់បន្ថយនៅឧស្ម័នពុល និងចូលរួមក្នុងការអភិរក្សថែរក្សាបរិស្ថាននៅក្នុងពិភពលោកផងដែរ។
សម្ដេចថា ព្រោះរឿងវាមិនមែនកើតតែនៅក្នុងប្រទេសឬតំបន់ណាមួយទេតែបញ្ហាបរិស្ថាន គឺប៉ះពាល់នៅទូទាំងពិភពលោក»៕
